مـــــع أو ضــــــــــد!!!

زائر

بسم الله الرحمن الرحيم

الاعضاء الغالين..في احدى المنتديات قابلني موضوع عجبني وحبيت انقلو

واتمنى انو نشارك فيو وان شاء الله ينال اعجابكم ورضاكم

الفكـرة على الشكل الآتي:

يقـوم عضـو بطرح ســؤال بصـيغة مــــــع أو ضـــــــــد..........

( مثال:هــل أنت مع أو ضـد سـفـر الفتاة للخارج بمفردها لغرض التحصيل الدراسي؟؟)

والشخص الذي يليه يجـيب مع ذكر السـبب.....
.
الذي يدفعه انه يكـون مع أو ضد الأمر..

ثم يسئل سؤال بصيغة مع اوضد للعضو الي بعده بعد الاجابه

اتمنى الموضوع ينال اعجابكم...

والسؤال الاول :
هل انت مع او ضد سفر الفتاه بمفردها لغرض الدراسه!!!

**المـديـر العـــام**

انا شخصيا ضـــــد
بس ليه دي ما عارفه ,, دايره ليها قعده بي كباية قهوه ,,
بقعد القعده دي وبجيب ليكي كل الاسباب ,, وليه انا قلت ضـــــد
بس جد ,,, موضوع جمـــــــــــيل
تسلمي علي الموضوع وتقبلي مروري ,,,
وانا سؤالي
هل انتا ضد التعليم الخاص ولا مع التعليم الخاص
وشكرا

زائر

لا مع .. لأنو أحياناً التعليم الخاص بيدي الواحد فرصة هو مالقاها في التعليم الحكومي..
وأكبر دليل جامعاتنا في السودان ,, وأكتر ناس بيعانوا من الحكاية دي الطلاب المغتربين ..

سؤالي ..
هل انت مع أو ضد الحب عن طريق النت ؟؟

شباب أرجو التفاعل ..

**المـديـر العـــام**

والله بي كل تفاااعل
انا مع وضد ,,,
ما عارف ارد بي شنو ,,,
بس اكيد الحب بالنت ما زي الحب الطبيعي يعني ,,
بس مرات بنجح
اكيد انا ضد ,, بس في اوكات بكون مع ,,

زائر

انا ضد الحب بالنت

بس في احيانا بكون حب من غير قصد يعني غصبا عنه

سؤالي هو

هل انت مع او ضد الزواج المبكر؟؟؟؟

وتسلمي على الموضوع

**المـديـر العـــام**

غايتو هم الاتنين زي بعض
المبكر عندو محاسنو
والمتأخر عندو محاسنو
والمبكر عندو مساوئ
والمتأخر عندو مساوئ
المبكر بكون اسوء في انو الراجل أو البنت ما بكونو عندهم الخلفية الكافية في الحياة ... والمتأخر بكون عندو الفكره عن الحياة والحاصل فيها
بس كمان المتأخر شديد دا ,, ما بشجعو انا
غايتو في النهاية كدا
انا ضد الزواج المبكر
$ew;lk\';f$ $ew;lk\';f$ $ew;lk\';f$

**المـديـر العـــام**

سؤالي هو
انتا مع ولا ضد الاتصلات المجانية والخدمات البتوفرها شركات الاتصال حاليا في السودان
ولو ضد ,, ورينا ليه ضد
ولو مع ,, ورينا ليه مع
وشكرا

زائر

في السودان ما عارفة بس في السعودية

اكييييييييييييد مع بوفرو علينا شوية

زائر

نسيت

هل انت مع او ضد ((((الماسنجر))))))؟؟؟؟؟؟؟؟؟

زائر

لا مع لأنو وسيلة سهلة للاتصال بالنسبة لجيلنا إحنا الشباب
خصوصاً إنك ممكن تتواصلي مع أكثر من 10 أشخاص في نفس
الوقت وأكيد التلفون ماح ويفر ليك حاجة زي دي وبعدين >> مكلف
بالنسبة لينا إحنا المغتربين هع

طيب سؤالي ...

هل انت\ي مع أو ضــد الزواج من الأقارب ؟؟